O Partido Popular recolle as queixas dos veciños á hora de denunciar que “a rede Wi-fi, que puxemos en marcha antes das eleccións, non funciona na actualidade”. Para o PP, esta deixadez por parte do actual goberno de Gondomar non é máis que unha mostra do menosprezo e o pouco interese que mostra o BNG polos logros da xestión do PP.

Así, o abandono do servizo da rede Wi-fi repercute negativamente na calidade de vida dos gondomareños, porque “semella que a BNG lle da completamente o mesmo que os veciños se podan ou non conectar gratis a internet”.

O Partido Popular de Gondomar considera “inviable” que as futuras conexións internas da AG-57 no Val Miñor, que permitirán a comunicación entre os tres concellos da comarca por autoestrada, estén finalizadas no primeiro semestre do 2009, tal e como afirmou a Xunta de Galicia na presentación do proxecto. O PP estima que as obras non estarán ata o 2010 ou o 2011.

Ante a situación vivida onte no Val Miñor, no que o BNG de Baiona e o de Gondomar votaron a favor e en contra, respectivamente, de solicitar a gratuidade da futura conexión interna do Val Miñor a través da autoestrada, o PP de Gondomar quere por de manifesto a “incoherencia e a falla de comunicación interna do BNG no Val Miñor”. Unha actitude que, segundo o portavoz do PP local, pon de manifesto que “o Bloque pensa e actúa dun xeito distinto se está no goberno a se está na oposición”.

Para Carlos Silva “é o colmo que en dous concellos colindantes, pertencentes á mesma comarca, cos mesmos intereses e oportunidades, unha mesma formación política presente unha proposta e a saque adiante desde a oposición, co apoio do PP, e en Gondomar a bote abaixo se a presentamos nós”. En verbas de Silva, “iso só ten un nome: cinismo”. “É incrible que non se faga un fronte común neste tema”, dixo.

A moción presentada no pleno de hoxe polo PP, a favor de instar á Consellería de Política Territorial a que liberase de peaxe as futuras conexión internas do Val Miñór a través da autoestrada, non saiu finalmente adiante debido os votos en contra dos concelleiros do BNG e do PSOE.

O Partido Popular lamenta que os dous grupos municipais rexeitasen a moción, a pesares de que os seus portavoces manifestaron no debate da moción a necesidade de que as futuras conexións fosen libres de peaxe.

O Partido Popular levará mañá a pleno, en forma de moción, o asunto da Unidade Comarcal do Benestar e Igualdade prometida e garantizada polo BNG para o Concello de Gondomar. “Queremos saber, e os veciños teñen dereito a saber, qué vai pasar finalmente con este servizo”, indicou Carlos Silva despois de que o BNG local mentivese que a Unidade se ubicaría en Gondomar.

O BNG reafirmou a súa postura despois das críticas dos populares de Gondomar, que lamentaron a decisión da Vicepresidencia da Xunta de Galicia de instalar este servizo no Porriño, que a súa vez daría cobertura aos veciños de Gondomar e todo o Val Miñor, tal e como recolleron os medios na pasada fin de semana. Carlos Silva, presidente do PP de Gondomar, indicou que “esta decisión é un paso atrás na mellora dos servizos e da atención aos cidadáns”.

O Partido Popular de Gondomar lamenta que, finalmente, o concello miñorano vaia carecer da Unidade Comarcal do Benestar e da Igualdade, despois de que a Xunta de Galicia anunciase que estará en O Porriño. Este novo centro dará cobertura a un total de oito municipios, entre eles Gondomar.

Así, os veciños que teñan que botar man destes servizos deberán desprazarse ata o concello porriñés, co conseguinte perxuizo. “Os gondomareños terán que trasladarse a O Porriño para solicitar axuda, e deberán compartir este servizo cos veciños da comarca de O Condado e Redondela”, indica Silva.