Vaia subidiña

Si, aínda que parece mentira esta chapuza existe, e encóntrase na praia de Cesantes, no aparcadoiro que existe detrás do galpón do clube de remo. Alí, atópanse ó redor de 30 prazas de aparcadoiro, pero para chegar a elas, ou saír os coches, encóntranse con esta montaña, que toca nos baixos de calquera automóbil estándar, xa que se eleva en máis dunha decena de centímetros do chan. A obra quedou así tras meter unha tubería baixo o empedrado. Iso si, habería presa, porque parece que non deu tempo sacar a terra suficiente para soterrar o tubo.