|  | | | | | A altura do 147 de Gran VÃa, a árbore xa nin siquera adorna un extremo do Malakita e os veciños tropezan ao sair do portal coa xente da rúa. Vm. | | | |
Vai morrer en pé co orgullo dunha árbore. Esta planta –quizais sexa una tuia- leva na Gran Vía, creo que posta pola cafetería Malakita, desde decembro. Foi a árbore de Nadal e agora ¿que é? Unha planta na que se prolonga a súa agonía. Quizais o seu maceteiro nin sequera reciba a necesaria auga. O foco de luz leva meses queimando o cumio da árbore. E agora tras nove meses está aí decaendo de día en día.
¡Non hai dereito! ¿Por que a deixar esmorecer, morrer, unha planta? Porque é máis barato isto que trasladaba nun camión.
¿Onde están eses ecoloxistas? ¿Non pasan por gran Vía preto do Open Cor? E o Concello de Vigo, ¿non hai policía municipal?
Se por min fose, quitaríalles de súpeto a “custodia” desta árbore aos seus donos por “maltrato vexetal”. E inmediatamente a trasladaría aos viveiros municipais para que se recupere.
¿Haberá aínda algo de sensibilidade, digamos, ‘verde’? | 
