Rafael Vilas vence no certame de carteis das Festas da Coca de Redondela

O cartel “O xeito da man 01”, do redondelán Xoán Rafael Vilas, é o gañador do Certame de Carteis das festas da Coca 2008, convocado pola concellería de Cultura dirixida por Eduardo Reguera Ocampo. “O xeito da man 01”, co que se anunciarán as festas que se celebrarán a finais do vindeiro mes de maio, representa os pasos dun bailarín da Danza das Espadas sobre as alfombras florais, resaltando o branco do seu calzado e o seu pantalón sobre o colorido da alfombra.