O concello de Redondela e a Deputación de Pontevedra amplían o prazo para a solicitude de mellores nas vivendas

A Concellaría de Servizos Sociais e Igualdade de Redondela, dirixida pola concelleira nacionalista Rosa Costas, comunica que se amplia o prazo para solicitar axudas destinadas á mellora das condicións de habitabilidade das vivendas, concedidas pola Deputación Provincial de Pontevedra. O prazo de presentación de instancias permanecerá aberto, no Rexistro do Concello de Redondela, do 16 ó 30 de abril. A finalidade destas axudas, que se dirixen a persoas con recursos económicos escasos, é evitar riscos na vivenda e mantela en condicións de salubridade e hixiene. Tamén a eliminación de barreiras arquitectónicas, para adaptación da vivenda para uso de persoas dependentes.