Os kioscos de Cogami chegan mañá a Vigo

O vindeiro xoves 21 de agosto terá lugar a apertura dun novo quiosco en Vigo da Rede Galega de Kioscos da COGAMI (Confederación Galega de Persoas con Discapacidade). Dito quiosco, sito na Glorieta de Isaac Peral, é o primeiro da cidade destas características, e así Vigo súmase ás cidades galegas que contan cun quiosco de prensa dotado de aseo público accesible e adaptado a persoas con mobilidade reducida.

A Rede Galega de Kioscos, xa leva dez anos funcionando, conta cun total de 41 establecementos espallados por todo Galicia. Esta iniciativa naceu coa finalidade de promocionar o emprego entre as persoas con discapacidade, especialmente nos contornos rurais.