|  | | | | | Ruben Blades, durante uno de sus conciertos. REMITIDA. | | | |
Despois de catro anos sen actuar, Rubén Blades regresa aos escenarios cunha xira europea titulada 'Panamá se queda en ti', formada por 12 concertos, dez deles en España. O único concerto que ofrecerá en Galicia será en Vigo, no Auditorio de Castrelos, este mércores ás 23.00 horas. As entradas están á venda en www.servinova.com, no teléfono 902 504 500 e na central de espectáculos a un prezo de 10 euros por anticipado e de 12 euros na taquilla.
O músico panameño, autor de clásicos como 'Pedro Navaja', estará acompañado polo grupo costarricense Son de Tikizia, e interpretará un repertorio a medida dos seus seguidores, xa que tocará os temas seleccionados polo público a través da súa páxina web.
Dende os ano 70 ata hoxe, Blades gravou máis de 20 álbumes e recolleu seis premios Grammy. Actualmente participa no goberno do seu país como ministro de Turismo.
O primeiro disco, 'Metiendo mano', con Willie Colón, convertiuse nun clásico da salsa, con temas como 'Pablo Pueblo', 'Plantación adentro' e 'Según el color'.
Nos 80, iniciou unha etapa moi vizosa, ao xuntarse con grupo Seis del Solar. Xa nos 90, lanza outro disco con Willie Colón e colabora con Los Fabulosos Cadillacs. A última parte da discografía de Rubén Blades reflicte un cantante máis madura e con capacidade de experimentar novas fusións e novos xéneros. |
