'Espazos sonoros' ofrece unha viaxe pola música do Renacemento no Museo do Mar de Vigo

A programación do ciclo “Espazos Sonoros” ofrecerá este mércores, 30 de abril no Museo do Mar de Vigo ás 20.30 horas a actuación do Grupo 1500 (ciclo de música antiga).

O Grupo 1500 presentan un programa titulado ‘Amor e Danza na Europa do Renacemento’. Unha viaxe musical de ida e volta dende a Península Ibérica, con obras dos séculos XV, XVI e XVII de Gabriel, Clement Janequin e Heinrich Isaac, entre outros. Unha fugaz viaxe imaxinaria do fervedeiro artístico que era a Europa do século XVI cun forte fluxo de ideas e influencias e o impulso da imprenta musical.