|
A Delegación Provincial da Consellería de Presidencia en Pontevedra comprometeuse, segundo directrices da propia Consellería, que a xestión da Escola Infantil do novo Edificio Administrativo en Pontevedra será pública. A decisión foi tomada tralo o encerro de tódolos delegados sindicais dos diferentes Comités de Empresa e Xunta de Persoal da Xunta de Galicia na provincia que tivo lugar onte. Segundo as entidades sindicais, a Xunta comprometeuse tamén a que a xestión recaerá sobre a Vicepresidencia da Igualdade e do Benestar xa que ésta é a que ostenta as competencias para o seu desenrolo.
Queda pendente a reconsideración de que o servizo de mantemento e o de
limpeza tamén sexan de titularidade pública, “e respecten así aos traballadores/as
destas categorías profesionais que teñen contratados en diferentes Consellerías,
sen que existan amortizacións de prazas e por conseguinte que traballadores da
administración autonómica queden sin emprego cando fan falla os seus servizos
nas novas dependencias”.
O delegado provincial da Vicepresidencia na provincia de Pontevedra, Francisco Xabier Verea Argibay, en reunión mantida o pasado mes de abril co Comité de Empresa, corroborou que de recaer a xesión da Escola Infantil nas súas competencias ésta sería incluida na rede de escolas infantis da Xunta de Galicia, “tal e como están tódalas escolas de xestión propia, e ao igual qua a escola do edificio administrativo da Xunta de Galicia en Vigo”.
| 
