|
Técnicos superiores da Finca ‘La Grajera’, pertencente ó Laboratorio Regional de Diagnóstico Fitopatolóxico da Comunidade Autónoma de La Rioja, asistiron durante os dous últimos días a sesións explicativas sobre técnicas de detección do fungo Armillaria na Estación Fitopatolóxica do Areeiro, unidade dependente da Deputación.
O centro de Areeiro ven desenvolvendo unha técnica pioneira en bioloxía molecular de detección e diagnóstico de especies de Armillaria, a partir de mostras de solo, sendo actualmente o único laboratorio en España que presta este servizo.
A Armillaria é un fungo de elevada agresividade que, de afectar ás raíces estruturais dos viñedos, pode levar á súa morte nun período de tempo variable segundo as condicións de estrés a que estea sometido.
As prestacións desta unidade son principalmente dúas. Por unha banda, a detección e identificación de fungos –fundamentalmente dos xéneros Fusarium, Phytophtora, Armillaria y Mycosphaerella–, nematodos –sobre todo dos xéneros Meloidogyne, Globodera, Heteroradibtis, Xiphinema y Heterodera–, bacterias e virus, a partir de estruturas do patóxeno ou de material vexetal sintomático ou asintomático de especies hortícolas, ornamentais, forestais, de viña, kiwi, etc.
|
