|
As agrupacións participantes nos primeiros concursos zonais de bandas promovidos pola Deputación reuníronse o venres no Pazo Provincial co vicepresidente e deputado de Cultura, José Juan Durán e cos técnicos responsables do evento. Nesta xuntanza realizaron o sorteo a través do cal se decide a orde de participación das entidades nas certames zonais.
Así, a certame de Deza e Tabeirós será o 5 de xullo no auditorio de Lalín. En primeiro lugar tocará a sección segunda coa participación da Banda de Música Recreativa Cultural de Bandeira e en segundo lugar a Banda de Música de Lalín, en sección primeira.
A certame de Pontevedra terá lugar o día seis de xullo ás 17.00 horas no Pazo da Cultura. Comezarán as agrupacións da sección terceira de Arcade, Bueu e Campo Lameiro. Seguiranlle, en sección segunda, a banda "Airiños do Morrazo" de Moaña, e, en sección primeira, a asociación cultural Bellas Artes de Cangas.
En Vigo, o concurso terá lugar no Auditorio do Centro Cultural de Bembrive o 12 de xullo, e intervirán, por este orde, en sección primeira, a Unión musical de Valladares, en sección terceira, a Banda de Candeán, a Unión musical de Cabral e o Ateneo Musical de Bembrive. En sección segunda, a agrupación musical Atlántida, de Matamá.
O auditorio de Tui acollerá o concurso zonal da franxa sur da provincia o día 19 de xullo ás 16.00 horas, coa intervención, en sección terceira, da Banda de música Reveriano Soutullo e as bandas de Mondariz e Arbo. En sección segunda, ás bandas xuvenís de Torroso e Xinzo e a asociación cultural de Rubiós. En sección primeira, as bandas de Salceda de Caselas, O Rosal e Vincios.
Por último, a certame do Salnés, Ulla e Umia, celebrarase no Auditorio de Vilagarcía o día 20 de xullo, coa participación, en sección terceira, das Bandas de Lantaño e Vertula. En segunda, as de Ribadumia, Sanxenxo, Caldas e Vilagarcía de Arousa. En primeira, Meaño e Valga.
|
