|  | | | | | Dentro desta iniciativa, prevese a posta en marcha dun total de 21 cursos que se levarán a cabo en diferentes lugares da provincia de Pontevedra. REMITIDA. | | | |
O presidente da Deputación de Pontevedra, Rafael Louzán, presentou hoxe o proxecto ‘Aquelando 2’, desenvolvido polo servizo de Desenvolvemento Local e Fondos Comunitarios da institución provincial que promoverán a inserción laboral de 410 persoas ó longo de 4.110 horas de formación.
Este proxecto, subvencionado en 1.851.824 euros por Fondos Europeos, oriéntase ó financiamento de proxectos para a inserción laboral dos desempregados, a cohesión económica e o desenvolvemento dentro das entidades locais e fomentar o emprego no sector dos servizos de atención a persoas con necesidades especiais e entre os desempregados en risco de exclusión. O 20% restante do investimento deste proxecto, un total de 462.956 euros, o aportará a Deputación de Pontevedra.
Dentro desta iniciativa, prevese a posta en marcha dun total de 21 cursos que se levarán a cabo en diferentes lugares da provincia de Pontevedra a través dos cales se formarán 410 persoas tratando de conseguir a inserción laboral dun 60% das mesmas.
O programa 'Aquelando 2', que comezará a desenvolverse a partir do 1 de xullo e rematará o 31 de decembro de 2010 é a continuación do proxecto ‘Aquelando’ para a formación en servizos de atención a persoas a través da realización de cursos de axuda a domicilio, auxiliar de xeriatría, coidador de persoas dependentes, tarefas domésticas en centros sociosanitarios e fogares, mediador intercultural e obtención do carné de conducir, entre outros.
Compre recordar que a Deputación presentou proxectos en anteriores convocatorias do FSE que posibilitaron a posta en marcha de iniciativas como ‘Aquelando’ (centrado en facilitar a inserción socio-laboral de persoas e en reforzar os servizos de atención a persoas) e ‘Camiño cara unha integración laboral’ (que se desenvolveu en 12 municipios da provincia co obxectivo de crear traballo e facilitar o acceso das mulleres e de persoas de difícil inserción profesional ó mercado de traballo).
| 
