|
A Deputación Provincial de Pontevedra contratará a 24 persoas para construír mobiliario urbano. Esta contratación laboral será baixo a modalidade de contrato para formación e realizarase con cargo ó Proxecto Mobilia un plan de dotación de mobiliario urbano ós municipios da provincia. O Boletín Oficial da Provincial da provincia publicou o pasado venres as bases xerais e específicas para a contratación dos 24 alumnos.
O taller de emprego porase en marcha nas instalacións do centro de formación Cidade +, do Servizo de Desenvolvemento Local e Fondos Comunitarios, co obxectivo de formar e introducir no mundo laboral a persoas desempregadas en profesións que teñen unha crecente demanda.
Os elementos do mobiliario urbano serán fabricados por doce alumnos de soldadura metálica e outros doce alumnos de carpintería de madeira en cada unha das fases. Unha porcentaxe destas prazas será reservada para inmigrantes e emigrantes retornados, usuarios dos servizos de orientación laboral da institución provincial.
Os interesados en tomar parte deste proxecto disporán de 10 días naturais, contados a partir de sábado 14 de xuño. Estas solicitudes poderán presentarse no Rexistro Xeral da Deputación.
| 
