|
O Día do Patín, que servirá de acto de clausura ás Escolas Provinciais de Patinaxe promovidas pola Deputación de Pontevedra, reunirá a un total de 313 rapaces de toda a provincia nas instalacións do pavillón da Cidade Infantil Príncipe Felipe, en Pontevedra, o vindeiro domingo día 1 de xuño, entre as 10.00 e as 14.00 horas.
Por Escolas, participarán no peche de actividades desta iniciativa un total de 74 rapaces da Escola Provincial de Patinaxe de Lalín; 68 de O Rosal; 57 de Ribadumia; 56 de Pontevedra, 35 de Cotobade e 23 de A Lama. Neste encontro, haberá agasallos para todos e actuacións de grupos show e exhibicións de patinadores de máximo nivel da provincia.
|
