|
A Xunta de Goberno da Deputación aprobou onte o cuarto grupo de 156 rapaces de terceiro e cuarto da ESO que viaxarán a Madrid a través do Programa ‘O Meu Primeiro Voo’ promovido polo ente provincial. No que vai de ano xa viaxaron á capital a través desta iniciativa máis de 1.500 nenos.
Dos 156 nenos que viaxarán a Madrid neste cuarto grupo 27 alumnos son do CPI O Progreso de Catoira, 14 do IES Rodeira de Cangas, 34 do Concello de Nigrán, 15 do Valentín Paz Andrade de Vigo, 16 do Sánchez Cantón de Pontevedra, e 50 do IES de Carril de Vilagarcía de Arousa.
Os escolares que participan nese programa teñen a oportinunidade de pasar un día de convivencia na capital de España co obxecto de coñecer os lugares máis emblemáticos da cidade. Os grupos saen dende o aeroporto de Peinador, en voo con destino a Madrid, onde lles espera un autocar e unha guía que os acompaña por todo o percorrido. Visitan o Museo do Prado, o zoolóxico etc.
A entidade provincial asume por cada beneficiario unha achega de 30 euros e os concellos 20 euros por praza. Pola súa banda, usuarios achegarán 60 euros se o seu concello está adherido e 80 euros se non participa na iniciativa a administración local.
A Deputación destinará a esta iniciativa un orzamento de 100.000 euros o presente 2008. En total poderán participar 3.333 alumnos de 3º e 4º da ESO dos centros públicos e concertados da provincia.
| 
