|
A Deputación Provincial de Pontevedra destinou, no período 2004-2008, un orzamento de 1.240.000 euros á rehabilitación de vivendas de familias da provincia con dificultades socioeconómicas. Concretamente, na pasada lexislatura (período 2004-2007) o orzamento investido chegou ós 950.000 euros e a partida que a Deputación consignou para o presente ano 2008 ascende a 290.000 euros.
Esta liña de colaboración posibilitou, nos últimos catro anos, a rehabilitación das vivendas de 405 familias da provincia. As actuacións realizadas consistiron en 113 reformas interiores; 90 arranxos ou construción de baños; 117 arranxos de cubertas e tellados; 7 dotacións de equipamento básico; 10 obras para a eliminación de barreiras; 37 conexións de augas ou fosa séptica; 16 arranxos de cociñas; 24 colocación de fiestras e portas; 16 reformas exteriores; e 33 instalacións eléctricas.
A de Pontevedra foi a comarca que máis obras rexistrou, con 100 reformas acometidas, seguida da comarca do Deza con 44 actuacións e da comarca de Caldas con 48 obras. Así mesmo, os municipios que máis obras rexistraron foron Barro, A Estrada, Mondariz e Ponte Caldelas.
Na Comarca de Pontevedra: 14 Campo Lameiro; 8 Cotobade; 18 Ponte Caldelas; 12 A Lama; 9 Vilaboa; e 39 Barro. Na Comarcas Deza: 3 Silleda; 6 Vila de Cruces; 15 Lalín; 5 Rodeiro; 15 Agolada. En Tabeirós Terra de Montes: 29 A Estrada; 2 Cerdedo; e 8 Forcarei. Na Comarca de Caldas: 8 Caldas; 3 Valga; 6 Cuntis; 15 Moraña; 13 Portas; 2 Catoira; e 1 Pontecesures. Na Comarca de Arousa: 1 Illa de Arousa; 14 Meis; 11 Sanxenxo; 6 Ribadumia; e 2 O Grove. Comarca de Vigo: 9 Vigo; 5 Redondela; 2 Soutomaior; 2 Pazos de Borbén; e 14 Fornelos. No Condado: 18 Mondariz; 7 Salceda; e 6 As Neves. Na Paradanta: 5 A Cañiza e 5 Crecente. Na Louriña: 13 Mos e 2 Porriño. No Baixo Miño: 7 Oia; 10 Rosal; 3 A Guarda; 10 Tomiño; e 5 Tui . No Val Miñor: 5 Nigrán; e 5 Gondomar. Na Comarca do Morrazo: 1Bueu; 1 Cangas; 2 Moaña; 3 Marín.
| 
