|
O Grupo Ecoloxista Adenco vai esixir medidas reais aos Concellos para que se comprometan co Medio Ambiente. Maña, ‘Día da Terra’, os ecoloxistas anuncian a proposta de numerosas iniciativas, todas de sinxela implantación na Administración Local, aos Concellos da Comarca, co obxectivo de conseguir unha implicación real dos gobernos municipais de cara a un Desenvolvemento Sostible no Condado.
“Os gobernos municipais teñen na súa man a posibilidade de implementar numerosas iniciativas nos seus Concellos, involucrando a toda a cidadanía, para lograr un Desenvolvemento Sostible que reduza o impacto da nosa forma de vida no Medio”, di o presidente de Adenco, Anxo Saborido. Así, este grupo ecoloxista vai suxerirá, de partida, a creación dos Consellos Municipais do Medio Ambiente en cada Concello, onde estén representados todos os sectores implicados na cuestión e que trate todas as cuestións relacionadas co Medio.
Adenco tamén vai promover o aforro enerxético, reducir o consumo de auga e a xeración de residuos nas dependencias municipais e no Concello en xeral; pedir que se declare o Concello Zona Libre de Transxénicos; desenvolver un proceso de Axenda 21 Local aberto e participativo; apoiar o transporte colectivo, fomentando o seu uso; e crear Espazos Naturais Protexidos Municipais.
Ademais, o Grupo Ecoloxista Adenco solicitará unha entrevista con cada un dos responsables municipais na materia, para coñecer cales son os obxectivos da súa área de competencia e coñecer, de primeira man, a implicación dos Concellos da Comarca para co Medio.
|
