|  | | | | | Cristina Mantilla, enóloga, durante a primeira cata comentada de viños do Rosal. RL.. | | | |
José Serrano Cuadrillo xefe de servizo de calidade de productos da vide da subdirección xeral de calidade agroalimentaria e agricultura ecolóxica do Ministerio de Medio Ambiente, Medio Rural e Mariño foi o encargado de dirixir a I Cata comentada de viños de O Rosal. A cata contou coa participación de 28 profesionais do sector do viño desde enólogos ata distribuidores e responsables de adegas rosaleiras. A cata abarcou 6 viños rosal e 4 albariños así coma un tinto.
Entre os asistentes, a enóloga Cristina Mantilla, saíu satisfeita e declarou que a calidade é "magnífica". Para Mantilla os brancos do Rosal están a nivel internacional e "non teñen que envexar a ningún outro branco do mundo". No caso do tinto "é unha idea a considerar, elaborar un tinto con variedades do Rosal" aínda que recoñeceu que se está a empezar a vida desas vides.
A festa continúa coa degustación de viño a cargo de 11 adegas con stands na praza do Calvario e productos gastronómicos desde as 11.00 horas do domingo ata a clausura ás 24.00 horas. | 
