|  | | | | | Os organizadores do campamento, esta mañá na rolda de prensa. REMITIDA. | | | |
Un ano máis Special Olympics Galicia pon en marcha nos meses de verán os campamentos de verán nos que ofrece actividades de ocio, cultura e deportes ás persoas con discapacidade intelectual de Galicia e tamén aos veciños de Asturias. Contan con 599 participantes, dos cales 435 son persoas con discapacidade intelectual, 121 son monitores e 43 persoas son integrantes da organización.
Un total de 21 asociacións de Galicia e unha asociacións de Asturias participarán nas quendas que Special Olympics Galicia ten programadas dende o 1 de xullo ata o 30 de agosto. As quendas son de 10 días cada unha e levaranse a cabo nas instalacións do Colexio Santiago Apóstol, en Soutomaior, Arcade; no Colexio Andaina, en A Zapateira, A Coruña; na Residencia do Colexio Altamar, en Vigo.
Special Olympics Galicia organiza cada ano estos campamentos de veran coa idea de "ofrecer unha alternativa entretida e normalizadora de vacacións para as persoas con discapacidade intelectual de Galicia co obxectivo xeral da socialización e mellora da calidade de vida a través da diversión e interelación persoal", indicaron. Neste senso as actividades que realizan os participantes nos campamentos destacan pola súa diversidade. Contan con actividades ao aire libre e tamén actividades culturais como poden ser roteiros de sendeirismo, excursións a lugares naturais, visitas a museos, castros… así como tamén actividades deportivas como visita ao acuapark, equitación, rutas en quads e canoas, sen esquecer as actividades lúdicas como festas, bailes, concertos… |
