|  | | | | | O deputado provincial de Medio Ambiente, Severino Reguera (á dereita da imaxe), presentou esta o Programa ‘O campo á escola’ da Deputación de Pontevedra para o presente ano 2008. | | | |
O deputado provincial de Medio Ambiente, Severino Reguera, presentou o Programa ‘O campo á escola’ da Deputación de Pontevedra para o presente ano 2008, a través do cal se realizarán 50 charlas coloquios en centros educativos da provincia. Deste xeito, a institución provincial renova esta iniciativa enfocada ós alumnos de primaria e ESO o que chega anualmente 2.500 alumnos.
O obxectivo principal do programa é informar dun xeito ameno sobre a riqueza natural da nosa rexión ós alumnos, tentando descartar vellas crenzas que estigmatizaron inxustamente a determinadas especies animais ata o punto de poñelas en perigo.Coa información como base, o programa busca acadar un respecto maior dos xoves cara a nosa natureza.
Das 50 charlas, 25 terán lugar en primavera e 25 en outono, con temáticas relacionadas coa época. Cada sesión dura tres horas que se dividen nunha charla de 20 ou 30 minutos seguida dun coloquio, na proxección de material audiovisual e dunha mostra de plantas e animais vivos.
Así, en primavera, o programa levará unha sesión titulada ‘Os malos do vecindario’ na que Federico De La Peña dará a coñecer ós cativos os animais que poden amargar a nosa existencia, é dicir, aqueles que poden producirnos dores ou provocar a morte.
Dentro desta unidade, o poñente explicará a función que cumpren este animais, que soen atacar unicamente cando lle molesten e que facer no caso de picadura ou mordedura. Ademáis, durante esta charla os alumnos poderán ver en vivo unha culebra e unha víbora.
En outono, o motivo da charla irá dirixido a amosar ós alumnos as especies e plantas típicas do outono galego facendo fincapé nos ritos valiosos e tradicións que formaron parte do noso acervo popular, como por exemplo a moenda, a cultura da castaña ou a lareira, e que se están a perder.
| 
