|
Un total de 1.400 persoas conseguiron o Certificado del ingua galega (Celga), nalgún dos catro niveis, nas primeiras probas deste ano que organizou a Secretaría Xeral de Política Lingüística e que tiveron lugar os días 22, 23, 29 e 30 do pasado mes de maio.
Atendendo aos diferentes niveis, no que respecta ao Celga 1, foron 171 as persoas que aprobaron os exames. 377 foron os que obtiveron o certificado Celga no nivel 2, mentres que superaron as probas do Celga 3 un total de 365 persoas. Finalmente, 487 persoas aprobaron os exames do Celga 4.
As listaxes definitivas con todos os aptos e non aptos, atendendo a niveis e localidades, pode consultarse na páxina web da Secretaría Xeral de Política Lingüística (www.xunta.es/linguagalega).
Próximos cursos Celga
Anualmente, a Secretaría Xeral de Política Lingüística convoca probas para a obtención dos certificados acreditativos de coñecemento da lingua galega, así como cursos para prepararse para elas.
Durante os meses de setembro, outubro e novembro, o departamento que dirixe Anxo Lorenzo organiza a terceira e última quenda deste ano dos cursos preparatorios para obter o Celga. Os interesados en inscribirse poden presentar a súa solicitude ata o próximo día 10 de setembro. | 
