| |  | | | | | A nova sede viguesa da Deputación foi o escenario elixido para presentar o libro. REMITIDA | | | |
O presidente da Deputación, Rafael Louzán, e a vicepresidenta, Corina Porro, presentaron onte na sede da Deputación de Pontevedra en Vigo o libro 'Vigo, da antiga cidade amurallada ó casco vello actual', de Alejandro Martínez García, que fixo unha pormenorizada análise do seu traballo.
A publicación, que foi editada pola institución provincial, da conta dos atractivos e encantos da cidade amurallada que Vigo foi ata hai pouco máis dun século, coas súas sinxelas casas mariñeiras, as vivendas burguesas de dous ou máis pisos e as casas brasonadas coas armas de familias poderosas e terratenentes.
Segundo o autor, este conxunto danouse ó longo do tempo pero ainda quedan maravillas para conservar e restaurar. "O libro está enfocado hacia ese obxectivo: o de que, antes de realizar cualquer tipo de intervención sobre o casco vello, é preciso conocer a súa conformación arquitectónica, constructiva e urbanística a través da súa historia e ata os nosos días", dixo.
O libro estructúrase en sete capítulos: os tres primeiros describen cómo os factores históricos, económicos e orográficos determinaron a situación, conformación e desenvolvemento de Vigo. O cuarto capítulo describe os diversos pasos evolutivos, tanto urbanísticos como sociais, que levaron ó casco vello á súa situación actual. E o quinto, expón as tipoloxías arquitectónicas e estilos constructivos do casco vello así como as principais 'desfeitas' levadas a cabo.
Nos capítulos sexto e séptimo expóñense varios exemplos de intervención que se realizaron no casco vello por iniciativa do programa Urban, a través do Concello de Vigo. O sexto describe as solucións practicadas no casco vello. E o séptimo describe e desenvolve unha selección das cinco vivendas representativas, dentro do total das 47 intervencións efectuadas. |
