|  | | | | | Olaia Fernández Dávila, deputada do BNG do Congreso. | | | |
A deputada do BNG no Congreso, Olaia Fernández Davila, rexistrou unha iniciativa parlamentar na Cámara Baixa na que pregunta ao Ministerio de Fomento por que optou pola alternativa número 5 no proxecto de construción da denominada conexión da A-57 con la Red Arterial de Vigo e o Aeropuerto de Peinador.
A deputada nacionalista pón de manifesto que o pasado mes de decembro o Goberno puxo a exposición pública o Estudo Informativo da variante da A-57 conexión con Peinador. “Aínda que contempla diferentes alternativas, parece que o Ministerio se decidiu pola alternativa número 5”. Esta opción, segundo Davila, parte a dous quilómetros do inicio da AP-57 á altura de Pontesampaio e discurre prácticamente paralela á mencionada autovía “e nunha parte importante do trazado a diferenza entre unha e outra non é de máis de 2 quilómetros”.
Davila tamén se dirixe a Fomento para saber se a construción desta variante vai ralentizar as obras da A-57 e que prazos manexa o Ministerio para o inicio das obras e a súa finalización. De igual xeito, pregunta polo prazos temporais para a execución da variante da A-57 conexión con Peinador.
| 
