|
|
O 29% dos vigueses están expostos a niveis de ruÃdo superiores ao lÃmite |
|
|
| por Vm - 18/03/2008 | | |  | | | | | Caballero, esta mañá na rueda de prensa. | | | |
O Mapa de Ruidos, presentado este
martes polo alcalde e membros da empresa redactora Maveín, revela que
Vigo se sitúa na media de ruidos das cidades europeas. O Concello
presentará en xullo un plan de actuacións para a protección acústica,
con medidas como a regulación do tráfico nocturno e nas zonas saturadas
e incentivar o uso de vehículos híbridos mediante bonificacións fiscais.
O 29% dos vigueses viven en zonas que superan os 55
decibelios, o límite de ruido estipulado. O Mapa de Ruídos, presentado
este martes polo alcalde de Vigo, a concelleira de Medio Ambiente e
membros da empresa redactora do texto, conclúe que o nivel de ruido en
Vigo se sitúa na media das cidades europeas.
Outras conclusións do estudo, elaborado segundo a normativa europea,
revelan que o 22% da superficie do termo municipal sobrepasa o límite
de ruídos e que todos os hospitais da cidade, situados no centro de
Vigo, teñen algunha fachada afetada pola contaminación acústica.
O traballo, entendido pola empresa como un "primer diagnóstico", foi
redactado segundo a directiva europea, e permitirá que o Concello se
dote das ferramentas necesarias para aplicalo. Na elaboración do texto
participaron diversos departamentos, como o de tráfico, urbanismo ou
cartografía, xa que serán estes os encargados de desenvolver as
políticas acústicas.
Os niveis indicados polo Mapa son unha media anual, que inclúe
variables como o nivel de ruido ao longo do día, pola mañá, pola tarde
e pola noite. O texto avaliou colexios e hospitais, e as zonas onde se
superan os límites de ruidos, o que ven indicar os puntos onde comezar
a traballar.
O Mapa de Ruidos atópase neste momento en fase de exposición pública
para a sua posterior aprobación unha vez analizadas as alegacións
presentadas.
O plan de acción, en xullo
O alcalde, Abel Caballero, tras felicitar á empresa polo seu traballo,
declarou "non conformarse" con estar na media europea e salientou a
necesidade de actuar nos "edificios sensibles como os hospitais" e nas
"zonas como o centro, Coia, Bouzas e o Freixeiro", onde o ruído é
superior aos 55 decibelios. Así, o rexidor avanzou a elaboración dun
plan de acción, consensuado por todos os axentes sociais da cidade e
que estará finalizado en xullo, que prevé reducir a contaminación
acústica de Vigo.
Algunhas das actuacións previstas, adiantadas polo alcalde, serán a
regulación do tráfico nocturno e nas zonas saturadas de ruido, o
fomento do uso do transporte público e dos vehículos híbridos,
eléctricos, mediante bonificacións nos impostos. Do mesmo xeito, o
Concello estudará e medirá a contaminación acústica derivada das
motocicletas.
Ademais, a aprobación do Plan Xeral suporá que os eventos ao aire libre
que se celebren na cidade estarán suxeitos á normativa de protección
acústica, salvo excepcións puntuais como os concertos musicais, por
exemplo. O plan actuará sobre os edificios e viais máis castigados polo
ruido, mentres que os novos ámbitos que se desenvolvan na cidade xa
estarán preparados acústicamente, salientou o alcalde. |
|
|
|
| | El Tiempo | |  | |
|
|
|
Encuesta |
|
|
Hay un total de 16 votos
¿Considera adecuado convertir el Rectorado de Vigo en un museo para las colecciones del pazo de Castrelos?
|
|
|
|
|
