Obradoiros, títeres e moita música na ‘I Festa Trezecatorzeadora’ en Salceda

A Asociación Cultural Deportiva e Ecoloxista Treze Catorze organiza o sábado, día 10 de maio, a 1ª edición da ‘Festa Trezecatorzeadora’, no recinto da Comunidade de Montes de Salceda. A partir das 16.30 horas, habrá obradoiros de cestería e papiroflexia, títeres e monicreques, artesanía e grafiteiros. Unha das principais actividades será a improvisación de xiz e parede, a cargo do artista invitado Alfredo Santos.

A festa continúa pola noite, a partir das 22.00 horas, cos concertos de The Tubas (Salceda de Caselas), Sonoro Maxín (Ourense) e o dj Festeiro (Malpartida, Extremadura).