|
As obras de saneamento nos barrios de Veiguiñas e Sestelo, contempladas no Plan Saneamento de Núcleos (PSA-2008), van permitir a conexión a este servizo a mais de 15 vivendas que deste xeito quedarán conectadas á rede de saneamento principal executada pola Xunta de Galiza na 2ª fase do saneamento de Salceda de Caselas.
O orzamento das obras ascende a 37.040,17 euros financiados polo Concello e Diputación Provincial. A empresa adxudicataria das obras, COVSA, ten previsto rematalas durante o presente mes de abril.
O alcalde de Salceda de Caselas, Marcos Besada, valorou esta actuación como “moi importante, dado que permite a conexión na rede principal destes núcleos que están densamente poboados e que teñen posibilidades de seguir medrando xa que gran parte do seu territorio está clasificado como urbanizable nas normas subsidarias de planeamento urbanístico do concello”.
| 
