|
O Instituto de Educación Secundaria de Parderrubias, en Salceda de Caselas, vai contar cunha pista deportiva. A directora Xeral para o Deporte, Marta Souto, que estivo no municipio a semana pasada, confirmou ao Concello a construcción desta infraestructura nos terreos do centro escolar.
Os técnicos da Dirección Xeral estiveron visitando o centro na compaña da directora do mesmo e dos mestres da área de deporte para redactar o proxecto definitivo. A pista, dunhas dimensións regulamentarias de 40 x 20 metros cuadrados terá un peche perimetral e uns equipamentos que van permitir a práctica de baloncesto, balonmán, voleibol e fútbol sala entre outros.
O alcalde de Salceda, Marcos Besada, dixo que esta infraestructura deportiva era demandada dende hai moito tempo pola comunidade escolar “e vai permitir a utilización das instalacións deportivas do IES Pedras Rubias tamén fora do horario escolar, mediante a sinatura dun convenio de colaboración co centro”. |
