|
Está aberto o prazo de inscrición, na Oficina Municipal de Información Xuvenil (OMIX) de Salceda, para participar na actividade de escalada. A iniciativa celebrarase nos días 17 de xullo e 28 de agosto.
Dirixido a rapaces de 14 anos en adiante con inquietudes cara ao mundo da escalada e dos deportes de montaña en xeral, que queiran ter unha iniciación con seguridade nesta disciplina. Os menores de 18 deben traer asinado un cosentimento paterno. A inscrición, 5 euros. Máximo 20 prazas.
Os obxectivos desta iniciativa son o coñecemento do medio e da actividade que permita despois aprender as técnicas xestuais de progresión e seguridade básicas. Así, os contidos das aulas serán técnica xestual básica, aseguramentos e ecoloxía e sensibilización ambiental.
Os alumnos contarán cun profesorado con ampla experiencia en alpinismo, escalada e cursos a deportistas, precisamente 1 técnico en actividades do medio natural e 1 instrutor de escalada da Federación Galega. As aulas terán lugar de 9.00 a 14.00 horas, na Escola de Escalada (Monte Faro de Budiño).
Material necesario: roupa cómoda (chándal vello ou similar), calzado cómodo (deportivas ou botas de monte), xente con pelo longo imprescindible algo con que suxeitalo en atado. O material necesario para a práctica da escalada será proporcionado pola organización (pes de gato, arnés, cordas…).
Para máis información e para anotarse, na OMIX do Concello, ben chamando ao teléfono 986 349 003, extensión 4, ou entrar na web da Alcaldía.
| 
