| |  | | | | | Unha das actuacións que tivo lugar nesta edición do Centrovisión. REMITIDA. | | | |
O Club Recreativo Cultural de Guizán foi o grande vencedor do 3º Festival de Playbacks que se celebrou o pasado sábado, no Porriño, xa que acadou o primeiro posto nas tres categorías. De todos modos, Salceda tampouco se pode queixar xa que das tres entidades que participaron no evento, o Centro Cultural e Social de Soutelo e a Asociación Cultural Xunco de Parderrubias lograron o segundo posto na categoría A e C, respectivamente, e Soutelo obtivo tamén o terceiro posto na categoría B.
Organizado pola Asociación Cultural Os Penediños de Atios, o resultado final foi na categoría A, Guizán (1º), Soutelo (2º) e Centro Cultural Santa Eulalia de Mos (3º); na categoría B, Guizán (1º), Santa Eulalia (2º) e Soutelo (3º); e finalmente na categoría C, Guizán (1º), Xunco (2º) e Santa Eulalia (3º).
Nesta 3ª edición participaron C.C. Social de Soutelo, A.C. Xunco de Parderrubias, Asociación Cultural Seixos Albos de Areas (Tui), C.R.C. de Guizán, Asociación Cultural A Forna de San Salvador de Budiño, C.C. Santa Eulalia de Mos e Centro Cultural Deportivo e Social O Coto de San Esteban de Budiño. Fora de concurso participaron Asociación Cultural San Fins de Rebordáns e A.C. Os Penediños de Atios.
|
