A piscina municipal de Salceda abre o 1 de xullo

A piscina municipal de Salceda abrirá ao público o vindeiro mércores, 1 de xullo, pola tarde, en horario de 15.00 a 21.00 horas. Os maiores de 20 anos pagarán 1,20 euros, mentres que os usuarios entre 10 e 20 anos soamente abonarán 0,90 e os demais a entrada é gratuíta.

Ademais, polas mañás, de 10.00 a 15.00 horas, haberá cursos de natación, segundo as idades. O prazo de inscrición está aberto na Oficina Municipal de Información Xuvenil. A cota para os adultos é de 30 euros, mentres que os usuarios de 4 a 14 anos pagarán 25 euros.