Xunco programa unha sardiñada para o sábado en Parderrubias co fin de celebrar san Xoán

O centro Cultural de Parderrubias da man de Xunco celebra san Xoán o sábado 27 cunha sardiñada. Ademais haberá chourizos, rosca, pan e viño a prezos populares, a partir das 22.00 horas. Os menores de 10 anos acompañados terán de balde as viandas. Desde ás 18.00 horas haberá inchables para os cativos.  Esta actividade conta coa axuda da Deputación de Pontevedra. Os vales pódense retirar na cafetería do centro cultural ou ben a través de membros da Xunta directiva. A organización prega que as confirmación sexan antes do vindeiro mércores.