A Xestora do Partido Popular de Salceda de Caselas, satisfeita cos resultados das eleccións

Santiago Rodríguez, vicepresidente da Xestora do Partido Popular de Salceda de Caselas, expresou que o PP gañou as eleccións no municipio cun 58,14% dos sufraxios (1.903), o que supón case tres puntos máis (461 votos) que nas últimas do ano 2004, "converténdose na única forza política que rexistrou un aumento".

Rodríguez engade, ademais, a "evolución positiva" do Partido Popular en Salceda de Caselas, reflexada na maioría absoluta acadada nas tres últimas eleccións, un 52% nas Estatais de 2008, un 54% o pasado un de marzo e agora un 58%.