Este sábado, 6 de xuño, o Concello de Salceda organiza unha andaina pola 'Senda dos Humedais'

Este sábado, día 6 de xuño, a Concellaría de Medio Ambiente do Concello de Salceda de Caselas, con motivo do Día Internacional do Medio Ambiente, organiza unha andaina pola recen inaugurada 'Senda dos Humedais', que percorre parte da parroquia de San Estevo de Budiño e o lugar de interese comunitario (LIC) das Gándaras de Budiño.

O percorrido é circular, ten unha distancia de 8 quilómetros, de dificultade baixa e contará cun guía medioambiental que irá informando aos participantes sobre as particularidades de toda a flora e fauna que vaian atopando no camiño.