|
Preto de 100 persoas participaron a pasada fin de semana polo Centro de Desenvolvemento Local do Torrón no Concello de Salceda de Caselas, para realizar dous cursos de manipulador de alimentos organizados desde a Oficina Municipal de Información ao Consumidor (OMIC), dependente da Concellaría de Benestar Social, Voluntariado, Igualdade e Sanidade.
Os cursos foron impartidos polo departamento de formación da empresa de servizos integrais sanitarios SISCOP, con sede en Soutomaior. "O certificado en manipulación de alimentos que entregarán é o que esixe a Consellería de Sanidade para traballar en calquera rama relacionada coa alimentación e a hostalaría", indica a alcaldía nun comunicado.
Os cursos tiveron unha duración de tres horas cada un e o prezo subvencionado polo concello foi de 12 euros por participante. "Debido a grande demanda, e a que quedou xente en lista de espera", informa a alcaldía, a OMIC ten pensado organizar dous novos cursos a principios do vindeiro 2009.
| 
