|  | | | | | O lixo recollido alcanzou os 120 quilogramos. REMITIDA | | | |
A A.C.D.E. Treze Catorze, en colaboración con Adega e o Proxecto Ríos, levou a cabo a pasada fin de semana unha limpeza do río Caselas. A actividade organizouse en dous grupos: un limpou un tramo do río ao seu paso por Picoña, San Xurxo e Santa María (Salceda de Caselas), e o outro ao seu paso por Cabreira (Salvaterra de Miño).
A xornada de limpeza contou coa participación de case vinte voluntarios que destacaron a cantidade de lixo atopado, dende un colector ata cazolas, neumáticos, sillas, plásticos, sacos, roupa, etc. "O resultado foi satisfactorio pois a cantidade total de lixo recollido superaba os 120 kilos".
Un dos problemas máis salientables que sofren os ríos galegos é a gran cantidade de lixo que aparece nos cauces e ribeiras, por iso "dende esta asociación queremos concienciar á sociedade da necesidade de manter limpos os nosos ríos como premisa para a conservación da súa saúde". |
