|  | | | | | Os veciños provocaron o aprazamento do pleno do mes de xullo. J.C. | | | |
Os veciños de O Viso e San Esteban, conxuntamente con membros da Plataforma en contra da autovía monopolizaron o protagonismo da sesión plenaria deste mércores, que tivo que ser aplazada os poucos minutos do seu comezo. Os diversos ruidos, cánticos e gritos dos asistententes en contra da Conexión da A-57 con Peinador e das obras do AVE, non permitían o desenvolvemento do pleno, que só puido celebrarse con normalidade durante 5 minutos.
As protestas veciñais comenzaron no exterior da casa consistorial, xa que os veciños da parroquia de O Viso e membros da Plataforma en contra da autovía, chegaron o concello con numerosos aparellos de labranza, varios espantallos, productos da horta e incluso varios animais vivos como galiñas e un coello negro. A intención desta iniciativa consitía en reivindicar o rural de Redondela, o máis afectado pola Conexión da A-57 con Peinador.
O pleno municipal comezou no seu horario habitual, a partires das 20.30 da tarde, sendo aprobadas os puntos da orde do día sen interrupción, e tamén a moción presentada polo BNG, en contra da directiva europea, que ampliaba 60 horas semanais a xornada laboral. No trascurso dun pequeno debate sobre esta moción comezaron os ruidos e os gritos por parte do público asistente, que pouco a pouco, abarrotaba o salón de plenos.
O alcalde, Xaime Rei, decidiu suspender durante un cuarto de hora o pleno, para recuperar a normalidade, e tras ser chamado "cobarde" polo público asistente, reuniu os portavoces dos diversos grupos, para despois regresar o salón de plenos. No seu regreso, o alcalde redondelán advertiu os asistentes que de non gardar silencio, aplazaríase o pleno ata "mañá as nove da máñá".
Tras varios intentos, e unha pequena discusión con algún membro do público, Rei aplazou de forma definitiva o pleno, xa que as súa realización era inviable polos ruidos feitos polo distintos público asistente, que na saída dos concelleiros pronunciaron diversos cánticos contrarios a obras do tren de alta velocidade, e da Conexión da A-57 con Peinador, ademais doutros como "o pobo unido xamais será vencido" ou, "mañá as nove volvemos outra vez".
|
