Poucos Maios, bastante calidade

A Festa dos Maios do 2008 estivo marcada polo baixo número de inscritos que, polo contra, supuxeron unha importante calidade nas representacións. Un lagar, un labrego ou un gaiteiro foron algúns dos elementos presentes nos distintos Maios creativos, mentres que nos tradicionais os coñecidos conos, e as cruces tamén estiveron presentes na celebración. Os premios, tres por categoría foron moi repartidos, aínda que destacaron as agrupacións de Reboreda, sobre todo, O carballo non ten polas. A nota exótica a puxeron veciños de O Viso e membros da Plataforma en contra da autovía, que presentaron un maio (A Peneda cunha autovía na base) ademais de levarse o premio polas mellores coplas.