| |  | | | | | Presentación de Retranca. | | | |
O director da revista satírica Retranca, Kiko da Silva, acompañado polos debuxantes e colaboradores Andrés Meixide e Jacobo Fernández, presentou a publicación o pasado venres en Redondela, nun acto no que estivo presente o concelleiro de Cultura, Eduardo Reguera. O remate da charla Da Silva mantivo un coloquio cos asistentes, e firmou diversos exemplares desta publicación.
Retranca é unha publicación satírica, case exclusiva de humor gráfico, pero con diversos textos humorísticos no seu interior, incluído o encarte “A Nosa Pedra”. Esta publicación naceu en Pontevedra, e na actualidade conta cunha tirada de 8.000 exemplares, dos que se vende aproximadamente o 50% dos números, segundo informou Da Silva. O revista é mensual, e sae aproximadamente entorno o día 15 de cada mes.
Nos seis números que leva na rúa, a revista acadou aproximadamente 200 suscritores, e pouco a pouco vanse incrementando as seccións é o número de páxinas de cada publicación. Da Silva, anunciou en Redondela a creación dunha nova sección dedicada o fútbol, no vindeiro número, “desde un punto de vista especial”, e tamén o entrada de novos autores como o colaborador de El Jueves, Bernal.
O director de Retranca explicou que Retranca é totalmente independente, que nace “dos aforros xuntados durante varios anos”, e mediante a creación dunha empresa propia que xestiona a publicación, asegurando que “estaremos na rúa mentres nos deixen”. Sen axudas institucionais, para “poder ser libres na crítica política e social”, Da Silva asegura que “co paso dos números vamos soltándonos máis e collendo maior liberdade”.
Entre os colaboradores da Retranca están autores coñecidos a nivel galego como Pinto e Chinto e Luís Davila, que posúe unha das sección con máis éxito Jalisia Kanibal, sátira das distintas costumes galegas, e outros famosos a nivel nacional como Mel ou Alberto Montt. Da Silva, afirmou que o 75% dos colaboradores son galegos, e que na comunidade existe “unha gran canteira”, aínda que pódese notar algo se escaseza no numero de humoristas, non así no de debuxantes.
O director de Retranca asegurou que o vindeiro número con motivo do día las letras galegas levantará numerosa polémica, “porque fixemos unha portada que busca o escándalo” e esperamos que teña moita repercusión. Outros temas que xa foron parodiados portada de Retranca, sona serie Padre Casares da TVG, o “despilfarro” da Cidade da Cultura, ou o “Entroido electoral”.
"Jalisia Kanibal" de Luis Davila conta con gran acollida entre os lectores.
|
