|  | | | | | Grupo de alumnos da escola de nenos de Mosende. Curso 1954 – 1955. Autor descoñecido / A.M.I. O PORRIÑO. | | | |
O Arquivo Municipal da Imaxe do Concello do Porriño amplía até o día 8 de agosto a recollida de fotografías relacionadas co ensino no Porriño. As imaxes recollidas poderanse contemplar nunha exposición que presentará diversos contidos e actividades relacionadas coa historia da educación no concello, e que se celebrará nos meses de setembro e outubro.
Responsábeis do Arquivo da Imaxe destacan o éxito desta campaña, "acadando a cifra de 225 imaxes até o de agora, na sección de fotografía da educación do fondo xeral do Arquivo". Na recollida están participando un número importante de veciños e veciñas, tanto do centro urbano como das parroquias, polo que "decidimos ampliar o prazo para non interromper o bo ritmo na obtención de imaxes".
Todos aqueles que o desexen poderán achegar as súas fotografías (grupos escolares, retratos escolares, retratos grupais de escola, fotografías de mestres emblemáticos, imaxes dos centros educativos do municipio, etc) ao Arquivo Municipal da Imaxe, no Centro Cultural Municipal, de 9 a 15 horas.
Os orixinais fotográficos serán dixitalizados e devoltos aos seus propietarios. | 
