Adenco convoca hoxe unha nova edición da Masa Crítica de Ponteareas

O Grupo Ecoloxista Adenco, coorganizador da Masa Crítica de Ponteareas, convoca a todos os veciños a participar nunha nova edición da Masa Crítica de Ponteareas. A actividade celébrase todos os últimos venres de mes dende o setembro pasado e ten como lugar de saída a praza da Igrexa, ás 21.00 horas.

Adenco quere, ademais, "mostrar a súa repulsa" á posibilidade de que circulen vehículos de xeito habitual pola praza Maior e rúas accesorias. Consideran os ecoloxistas que esta zona céntrica de Ponteareas "ten que ser para o desfrute dos veciños, dende os nenos aos maiores, como lugar de esparcemento colectivo, limitando a entrada de vehículos motorizados á carga e descarga e acceso a residentes".