|
O Servizo de Normalización Lingüística do Concello de Ponteareas, a través da campaña 'Achégate ao Libro', organizará diversas actividades denominadas 'Mes de Maio, Mes das Letras', co obxectivo de promover a lectura en galego entre os máis cativos e o público en xeral con actividades fóra das bibliotecas, nos parques, ao aire libre e, en definitiva, nun espazo de lecer que convide á lectura.
Este ano, os libros abrirán as súas follas en varios escenarios e, así, o venres 9 de maio levaranse ao parque da urbanización Ponteareas Cidade, o 16 de maio ao Parque das Pombas, o 23 á Praza Maior e o día 30 aos Xardíns da Xiralda, dende as 17.30 ás 20.30 horas.
|
