|  | | | | | Na actualidade a Banda de Música Xuvenil de Xinzo está dirixida por Iñaki Lecumberri Camps, natural de Valencia, e conta con 30 compoñentes da escola. | | | |
A parroquia ponteareana de Xinzo acolle este domingo, día 11, o XIV Festival de Bandas de Música de Xinzo, no que participarán a Banda de Música Cultural de Teo (A Coruña), a Agrupación Musical de O Rosal e a Banda de Música Xuvenil de Xinzo. As actuacións comenzarán ás 18.00 horas, no Torreiro, no que habrá preto de 500 cadeiras para a disposición do público.
A Banda de Música Xuvenil de Xinzo ten actuado en numerosos actos e homenaxes tais como o recibimento ó ciclista Álvaro Pino tras gañar a volta a España, a Abel Caballero cando viña de ser nomeado ministro, na homenaxe a Ángel Viro Caamaño, e arroupando agrupacións como as bandas ‘Delicias do Caeiro (Cabral)’, ‘O Rosal’ e ‘Antas de Ulla’ no día do seu estreo.
No ano pasado, a Banda de Música Xuvenil de Xinzo participa no ‘VII Certame Provincial de Bandas de Música da Deputación Provincial de Pontevedra na segunda categoría obtendo un terceiro premio nesta categoría, e tamén no 2007 participamos na segunda categoría no I Certame Galego de Bandas de Música Populares celebrado no auditorio de Santiago de Compostela e no que conseguiu un segundo premio, así como o premio a mellor interpretación dunha obra galega con ‘Impresións Galegas’, de Henrique Saavedra.
Na actualidade a Banda de Música Xuvenil de Xinzo está dirixida por Iñaki Lecumberri Camps, natural de Valencia, titulado superior en clarinete e profesor de Harmonía no Conservatorio ‘Reveriano Soutullo’ de Ponteareas, e conta con 30 compoñentes da escola.
Na memoria dos veciños está todavía o recordo das dúas Bandas que houbera en Xinzo a principios e a mediados do século XX, cando no ano 1979 rexurdiu de novo o espírito musical. Así pois un grupo de rapaces iniciábanse no arte da música da man do mestre José Guillén Lorenzo (Músico Profesional da Banda Militar do cuartel de Barreiro en Vigo).
No Nadal de 1980 a parroquia puido ver e escoitar por primeira vez o que meses despois se constituiría como Banda de Música Xuvenil de Xinzo (28 de Xuño de 1981). É de destacar que foi a segunda banda con carácter xuvenil que se formou no país e que sinalou o comezo dunha nova concepción deste tipo de agrupacións en Galicia.
No ano 1985 soamente dúas bandas de Galicia foron admitidas no concurso ‘Gente Joven de TVE’, entre elas a de Xinzo, e tras participar e clasificarse para semifinais, queda eliminada na última actuación por excederse do tempo permitido. Durante a viaxe realizada a Madrid para a gravación do programa a banda estrea baixo a batuta de J. Carracedo (responsable das bandas de música militares do ministerio) o ‘Pasodoble Homenaje a Garzón Cidanes’. Aproveitando o bo momento que atravesa a banda realizase a primeira gravación para a Radio Galega.
| 
