|
A Consellería de Innovación e Industria decidiu paralizar, cautelarmente, os traballos de explotación na Canteira de Cillarga, en Ponteareas. Segundo o xefe de Servicio de Enerxía e Minas, Francisco Sánchez-Ulloa Villar, “mentres non se rematen as actuacións que se están practicando non se pode aportar os resultados das mesmas, de ahí que se adoptou esa decisión”.
O portavoz municipal do BNG de Ponteareas, Bolívar González, sinalou que a finais do mes de febreiro técnicos da Consellería de Innovación e Industria e Técnicos da Consellería de Cultura inspeccionaron o lugar de Cillarga, previa solicitude da Asociación de Veciños Avecilla. A raiz desa inspección, o 10 de abril de 2008 a Xunta decide paralizar “cautelarmente” a explotación mineira tras un informe emitido pola Consellería de Cultura que así o aconsellaba.
Para o Bloque Nacionalista Galego, “a falta dun PXOM en Ponteareas implica que os bens patrimoniais e culturais deste Concello segan sen catalogar a día de hoxe e perigue súa conservación”. González lembrou que nos once meses que o BNG-PSdeG estiveron no goberno municipal se precintou a canteira por carecer de licenzas e permisos, “pero logo da moción de censura, o goberno do PP autorizou a explotación da canteira malia existir informes desfavorables”.
Por outra banda, Bolivar González, engadiu que “agardamos que a Consellería de Medio Ambiente da Xunta de Galiza, que non depende do BNG, siga o exemplo das Consellerías de Innovación e industria e Cultura e emita dunha vez o seu informe desfavorabel polo que están agardando os veciños dende o mes de febreiro”.
|
