|
A Oficina Municipal de Información Xuvenil (OMIX) do concello de Ponteareas anuncia que ata o vindeiro 11 de abril esta aberto o prazo para inscribirse nos ‘Campamentos de Verán 2008’ que organiza a Xunta de Galicia, dirixidos a rapaces e rapazas de entre 9 e 17 anos.
O prazo de entrega de solicitudes remata o día 9 de abril para aqueles que opten por entregar as solicitudes na OMIX de Ponteareas. Para aqueles que prefiran entregalas en calquera das delegacións de Vicepresidencia de Igualdade e Benestar ou no concello de Ponteareas remata o 11 de abril.
As diferentes actividades que integran esta oferta xeral levaranse a cabo tanto en Galicia como nas comunidades autónomas de Álava, Aragón, Cantabria, Castilla-La Mancha, Castilla y León, Murcia e Navarra, en diferentes quendas de entre unha semana e quince días de duración, os meses de xullo e agosto.
Cada un dos campamentos ofertados ten un nome xenérico que fala das actividades que se desenvolven nel, como é o caso de Campamento de teatro, Xogando no encoro. A nosa primeira aventura, Unha viaxe a través do tempo, Multiaventura nos Chacotes, Aventura e deporte, Portugaliza, entre moitos outros.
Os prezos varían en función do campamento elegido, oscilando entre os máis baratos o Campamento Sinte Galiza, Unha viaxe a través do tempo e Aventura na naturaza, cun prezo de 82 euros. Os campamentos máis caros alcanzan un custe de 188 euros entre os que destacan Actividades no mar: vela, dorna, táboa, piragüismo, kayak-polo e aula naturaza mariña.
Cómpre salientar cos membros de familia que teñan o título de numerosa terán un desconto do 50%. Asi mesmo os usuarios do Carné Xove gozarán dun desconto do 25%.
Para solicitar máis información os interesados poden dirixirse á OMIX, situada na Biblioteca Municipal da rúa A Perillana, ou chamar o teléfono 986 660 765.
| 
