Esta tarde terá lugar a inauguración da Exposición de Pintura Colectiva “4 ideas” de Pilar Arranz, Basilio González, Remedios Fortes e Isabel Romero. O acto terá lugar na Sala Multiusos da Biblioteca Municipal de Ponteareas as 21 horas.
"Nesta exposición poderemos observar catro formas de ver, pintar ou debuxar, de forma que pese a ser completamente diferentes, tanto nas súas respectivas ideas, como nos seus procesos creativos, non obstante, conforman un conxunto harmonioso e agradable", segundo un comunicado da organización.
Basilio González o máis novel e único varón dos catro que integran o grupo, quen nos ofrece unha interesante mostra de debuxos que cabe deferenciar en dous apartados: por un lado unha colección de rostros nos que una lograda adecuación da linea mostra a personalidade do modelo e engadelle a interpretación subxectiva do debuxante. A súa colección complétase cunha tenra mostra de animais domésticos.
Isabel Romero ofrécenos un domino notable no manexo dos acrílicos e unha fonte de inspiración que nos transporta ao seu Cádiz actual a a outro de épocas pretéritas, invadido de reminiscencias e perfumes árabes.
Pilar Arranz tende cara á abstración, plasmado todo iso con técnicas mixtas baseadasa en óleo e acrílicos, nos que se empregan fortes contrastes de cor, ao tempo que potencia os volumes coa adición dalgúns materiais complementarios.
Remedios Fortes, inúndanos dende Málaga con aromas de laranxeira e limoeiro, sendo o seu estilo fielmente realista.
|
