| |  | | | | | A iniciativa foi impulsada pola Asociación Cultural San Martiño de Couso, xunto coa Comunidade de Montes de Couso, e consistiu na rehabilitación de seis muíños e na creación dunha ruta etnográfica e de sendeirismo. HERNÁNDEZ. | | | |
O director xeral de Desenvolvemento Rural, Edelmiro López Iglesias, e o delegado provincial da Consellaría do Medio Rural en Pontevedra, Gonzalo Constenla Bergueiro, visitaron este domingo ao conxunto etnográfico e interpretativo dos muíños de Couso, en Ponteareas, un proxecto financiado con cargo ao programa Leader + do Condado-A Paradanta e que contou cun investimento global de 79.693 euros. Para a súa execución, xa finalizada, a subvención que recibiu no marco dos fondos europeos de desenvolvemento rural foi do 75% do total, ou o que é o mesmo 60.000 euros.
A iniciativa foi impulsada pola Asociación Cultural San Martiño de Couso, xunto coa Comunidade de Montes de Couso, e consistiu na rehabilitación de seis muíños e na creación dunha ruta etnográfica e de sendeirismo con sinaléptica e con paneis interpretativos dentro de cada dun dos muíños. Así mesmo, tamén se incidiu na vexetación da zona, mediante a replantación con especies frondosas caducifolias do lugar no que antes había eucaliptos ao lado do río e que agora conforma a ruta de sendeirismo.
O responsábel local do BNG, Xosé Represas, sinalou nun comunicado que nestes tres anos a Xunta apoiou o medio rural de Ponteareas en diversas actuacións con subvencións ás comunidades de montes e planta de biomasa en xinzo (194.000 euros), recuperación da Picaraña (320.000 euros), melloras na comunicación telefónica e internet en Couso (260.000 euros), mellora da electrificación (600.000 euros), remate do centro cultural de San Mateo (60.000 euros), recuperación dos muiños de Couso (60.000 euros) ou a investigación do pemento de Guláns.
|
