A Deputación concede 30.000 euros á Asociación Santa María para a construción dun edificio de usos múltiples

O presidente da Deputación de Pontevedra, Rafael Louzán, entregoulle este sábado unha subvención de 30.000 euros á Asociación Santa María de Pazos de Borbén que serán investidos na construción dun local social.

Esta colaboración enmárcase na liña de axudas que concede a institución para a mellora de infraestruturas culturais. A Asociación Santa María de Pazos de Borbén, presidida por Marcelino Míguez Santorum, naceu hai 25 anos e actualmente aglutina a 400 socios que, a pesares de carecer dun local, desenvolven unha intensa nómina de actividades nas que participan numerosos veciños de Pazos de Borbén.

A intención deste colectivo é a de impulsar a construción dun edificio de usos múltiples que lles permita desenvolver en condicións óptimas as súas iniciativas. Este proxecto iniciouse no ano 2007.