| |  | | | | | Un brindis das autoridades presentes na festa cun viño de Rubiós. R.L. | | | |
A cuarta edición da Festa do Viño tinto de Rubiós tivo como pregoeiro a Cándido Fernández Méndez un músico da banda de Rubiós. O pregoeiro resumiu a parroquia de Rubiós en dous cousas, o viño e a música. Fernández Méndez definiuse experto en lectura de partituras musicais e quizá por iso tivo a honra de ser pregoeiro da Festa. A banda de música e o viño "fai popular a un pobo", dixo o pregoeiro en referencia a súa parroquia natal de Rubiós. Sobre o viño de Rubiós o cualificou do "máis enxebre da nosa terra" e destacou a fundación da cooperativa vinícola que traballa con "grande éxito" na venda dos seus productos.
Para Cándido Fernández citou tamén da covas da Furnas das Ribadeira. "Rubiós ten moito que ofrecer ao forasteiro e que temos moito noso, da nosa propiedade". O pergoeiro destacou tamén o patrimonio inmaterial con cantigas referidas ao viño. "Vindimar vindimadoras, na vindimia do meu pai, vindimade e beber viño que outra cousa non hai" ou estoutra: "Xa rematou a vendima, para cantar estamos nós, e para merendar abondo o tinto de Rubiós". Fernández Méndez defendeu tamén as festas como xeito de "celebrar e sentir en común". Engadiu que "os pobos necesitan descubrir e conservar as raíces para vencer o negativo que nos impoñen outras culturas estranas" para vencer ao "mundo globalizado".
"Un pobo sen viño e música é un pobo sen alegría" e subliñou que As Neves ten as dúas cousas así que cualificou de "matrimonio excelente". Rematou con "¡Viva Rubiós! ¡Que viva a cata do viño! ¡E qué vivamos todos nós!
Ao pregón asistiu o vicepresidente da Deputación, Chema Figueroa, así como os delegados territoriais da Provincia, José Manuel Cores Tourís, o de Educación e o de Medio Rural. Da DO Rías Baixas asistiu o seu presidente Jose Ramón Meiriño e o seu xerente, Ramón Huidobro. Tamén estaban os alcaldes de Salvaterra, Arturo Grandal; Mondariz, Julio Alén; e xunto co alcalde das Neves, a tenente de alcalde, Mari Carmen Gil Álvarez, e outros concelleiros da corporación.
Antonio Méndez, presidente das adegas Coto Redondo estaba ao fronte da festa ocupado en que non faltase de nada aos convidados.
Un grato ambiente de festa inundaba a praza do Concello podíase degustar distintos produtos co viño de Rubiós como polbo, arroz con marisco ou callos. A festa continúa hoxe a noite coa quemada e durante todo o domingo. |
