|
O xuíz do Xulgado de Instrucción número 3 do Porriño ven de arquivar a denuncia que interpuxo o BNG nas pasadas eleccións municipais contra a voceira do PP de Mos, Nidia Arévalo, por presuntas calumnias. Así informaron hoxe desde o Partido Popular. Dita denuncia remóntase ao mes de maio do pasado 2007, cando o BNG de Mos interpuxo unha demanda contra o Partido Popular, na que se acusaba á voceira popular, Nidia Arévalo, de terlle chamado “corrupto” ó edil nacionalista José Carlos Cabaleiro.
Acusábase tamén ó concelleiro do PP, Ángel Pereira Carrera, de meterse coa vida personal do portavoz do Bloque Nacionalista Galego, José Martínez Ojea. Ante as acusacións de ambos denunciantes, a Garda Civil de Mos levantou atestado e tomou declaración ós testigos directos indicados pola propia parte denunciante, que negaron os feitos relatados na denuncia.
O xuíz encargado do caso estimou que non existen datos obxectivos que permitan seguir adiante coas dilexencias, xa que non se pode demostrar a perpetración dun delito por parte dos membros do PP mosense. Así que decretou o sobreseimento provisional das actuacións iniciadas polo BNG e o arquivo do procedemento.
Segundo recentes declaracións da edil popular, Ana María Rodríguez Cabaleiro, “os denunciados estanse a plantexar iniciar accións legais contra os membros do BNG por intromisión na honra, toda vez que as acusacións feitas son falsas”. |
