|
A concellería de Participación cidadá mosense que dirixe a edil Julia Loureiro, porá mañá en marcha o servizo Noitebús, ofertado pola dirección xeral de Mobilidade da Xunta de Galicia.
“A iniciativa consiste en dar servizo de transporte á mocidade mosense para que poidan dirixirse ós puntos de ocio nocturno da zona sen ter que desplazarse nos seus propios vehículos, evitando así o risco de posibles accidentes de tráfico derivados da inxesta de alcohol, o exceso de velocidade, etc.”, segundo informou hoxe a edil responsable. É por iso que Loureiro lles pediu hoxe ós xoves de Mos que, pola súa seguridade, fagan uso do Noitebús as noites dos venres e os sábados.
O Noitebús comenzará a funcionar hoxe venres 3 de xullo, e seguirá activo tódolos venres e sábados, tanto na tempada de verán como na de inverno, ata o mes de xullo do ano 2010.
Este autobús percorrerá todo o municipio de Mos, pasando pola rotonda das Angustias para acceder ós locais do Porriño e chegará ata a discoteca Queen. Os horarios de saída en traxecto de ida serán ás 22.00 horas, ás 23.30 horas e ás 00.30 horas; e os de volta haberaos ás 03.00 horas, ás 04.30 horas e ás 06.00 horas.
Julia Loureiro destacou ademais a importancia desta inciciativa que vense a sumar ao programa Noites Vivas, ambos orientados a mellorar e evitar riscos no ocio nocturno xuvenil.
Para solicitar información sobre a ubicación das paradas, os interesados poden dirixirse á concellería de Participación Cidadá, situada no Multiusos das Pozas, ou ó número de teléfono 986 339404.
| 
